Pólski ferðamaðurinn fundinn

„Hann er fundinn,“ segir varðstjóri lögreglunnar á Suðurnesjum. Pólski ferðamaðurinn Arkadiusz Pawel Maciag kom í leitirnar um hádegisbil í dag.

Engar upplýsingar fást um líðan hans eða ástand en víðtæk leit hefur staðið í alla nótt og morgun að honum.

Samkvæmt upplýsingum frá lögreglunni fannst Maciag í grennd við Keflavíkurflugvöll.

Vísir sagði frá því í morgun að þyrla Landhelgisgæslunnar var send á svæðið í nótt til að miða út farsíma mannsins. Það leiddi til þess að leitarsvæðið var þrengt.

Á annað hundrað leitarmenn tóku þátt í leitinni.