Breytingar á fyrirkomulagi vinnu lækna til skoðunar

Fundi í kjaradeilu Lækna hjá Ríkissáttasemjara lauk klukkan rúmlega fjögur í dag, en Sigurveig Pétursdóttir, formaður samninganefndar Lækna, sagði í samtali við fréttastofu að enn væri langt í land, en að læknar séu nú að skoða ákveðnar vinnufyrirkomulagsbreytingar samkvæmt tillögum frá viðsemjendum þeirra hjá ríkinu.

Önnur lota í verkfallsaðgerðum lækna í  Læknafélagi Íslands stendur nú yfir á flæði -og aðgerðasviði Landspitala, en á morgun hefjast aðgerðir á Geðsviði. Mikil röskun hefur orðið á starfsemi Landspítala í dag og verður áfram næstu daga.  

Annar fundur í deilunni hefur verið boðaður á fimmtudag klukkan níu.