Gylfi stóðst læknisskoðun hjá Swansea

Gylfi Þór Sigurðsson, landsliðsmaður í knattspyrnu, skrifar undir samning við úrvalsdeildarliðið Swansea í dag eða á morgun, en hann stóðs læknisskoðun hjá velska félaginu í morgun.

Ólafur Már Sigurðsson, bróðir Gylfa, greinir frá þessu á Twitter-síðu sinni, en Gylfi kemur til Swansea frá Tottenham þar sem hann hefur spilað undanfarin tvö ár.

Gylfi var á mála hjá Swansea seinni hluta ársins 2012 á láni frá Hoffenheim, en vegna frammistöðu hans þar keypti Tottenham hann fyrir átta milljónir punda.

Swansea borgar tíu milljónir punda fyrir Gylfa, en eins og greint var frá í kvöldfréttum Stöðvar 2 í gærkvöldi er hann dýrasti íslenski knattspyrnumaðurinn fyrr og síðar.

Ready to sign after he passed Swansea medical. Could be confirmed later 2day or 2morrow. pic.twitter.com/lD1Ke86tEi

— Ólafur Már Sigurðs (@OliMarSig) July 23, 2014