Leitað í Fljótshlíð á morgun

Leitin í Fljótshlíð að Ástu Stefánsdóttur, sem hvarf um Hvítasunnuhelgina, hefst á ný á morgun. Um fjörutíu manns munu taka þátt en leitað verður í Bleiksárgljúfri þar sem lík Pino Becerra Bolanos, ferðafélaga Ástu, fannst.

Að sögn Sveins Kristjáns Rúnarssonar, yfirlögregluþjóns á Hvolsvelli, verður á morgun reynt í fyrsta sinn að færa fossinn í gljúfrinu úr farvegi. Áður hefur verið reynt að stífla fossinn að hluta. Mögulega verður þannig hægt að skoða áður ókönnuð svæði.

Sveinn segir að leitin muni hefjast í fyrramálið og standa yfir eins langt fram á kvöld og auðið er.