Umfjöllun, viðtöl og einkunnir: Breiðablik - KR 1-2 | Fyrsti sigur meistaranna Henry Birgir Gunnarsson á Samsung-vellinum skrifar 8. maí 2014 09:46 Vísir/Vilhelm Íslandsmeistarar KR hristu af sér tapið gegn Val í fyrstu umferð í kvöld er þeir sóttu þrjú stig á útivelli gegn Blikum. Það gerðu þeir reyndar á heimavelli Stjörnunnar í Garðabænum. KR-ingar byrjuðu leikinn með miklum látum og strax á 3. mínútu voru þeir komnir yfir. Hröð sókn og sending fyrir hjá Atla. Haukur Heiðar kom mjög grimmur á boltann og setti hann í netið. KR-ingar voru mjög grimmir næstu mínútur og voru ekki fjarri því að bæta við. Smám saman kom ró yfir Blikaliðið. Þeir náðu að loka vörninni og fóru að byggja eitthvað upp. Jöfnunarmarkið kom svo þegar boltinn hrökk til Elfars Árna í teignum eftir klafs. Húsvíkingurinn gerði engin mistök og kláraði færið smekklega. KR-ingar komust í tvígang í mjög álitleg færi eftir jöfnunarmarkið en náðu ekki að gera sér mat úr þeim. Allt jafnt í hálfleik. KR-ingar byrjuðu seinni hálfleik af sama krafti og þann fyrri. Þeir komust svo yfir með frábæru marki frá Óskari Erni. Fékk boltann í teignum einn gegn varnarmanni. Kom sér í skot og negldi boltann í nærhornið. Smekklega gert. KR-ingar héldu boltanum líkt og áður en gekk illa að opna vörn Blika. Að sama skapi gekk Blikum ekkert að opna KR-vörnina og fékk ekki færi. Blikar náðu upp fínni pressu í lokin og Elfar Freyr fékk algjört dauðafæri í uppbótartíma en skot hans rúllaði framhjá markinu. Það var síðasta færi leiksins og KR-ingar tóku því öll stigin. Þessi leikur hjá Blikum var mun betri en FH-leikurinn. Liðinu gekk betur að halda boltanum en það vantar meiri slagkraft í liðið við teiginn. Vantar einhvern kraft og sjálfstraust. Það kemur örugglega en byrjun liðsins mjög erfið. FH og KR í fyrstu leikjunum. Varnarleikur liðsins hefur lofað góðu og Blikaliðið mun klárlega styrkjast í næstu leikjum. Það var aðeins pressa á KR fyrir þennan leik og liðið stóðst pressuna þó svo það hafi staðið tæpt í lokin. Gary og Óskar komu með mikinn kraft í leik liðsins. Gary sívinnandi og Óskar alltaf ógnandi. Hann skoraði svo markið sem skildi liðin að. Haukur Heiðar einnig að byrja mótið af krafti og átti aftur flottan leik. Baldur Sigurðsson kom mun sterkari til leiks núna en hann þarf að stíga betur upp og draga vagninn hjá KR í sumar. Margir settu spurningamerki við hvort Zato væri nógu góður fyrir KR og hann hefur ekki þaggað niður í þeim gagnrýnisröddum í upphafi móts. Sýndi takta inn á milli en virkar oft mjög óöruggur.Rúnar: Hefðum átt að skora meira "Við máttum ekki tapa í dag. Eitt stig hefði svo sem verið allt í lagi gegn sterku liði Breiðabliks en við erum afar sáttir að fá þrjú stig hérna," sagði Rúnar Kristinsson, þjálfari KR, og brosti. "Við vorum alltaf hættulegri en þeir og hefðum átt að skora fleiri mörk í fyrri hálfleik. Við náum aðeins að þétta okkur betur í seinni hálfleik og varnarleikurinn í heildina var mun betri í síðari hálfleik. Fyrir vikið var sóknarleikurinn kannski ekki alveg eins hættulegur en við fáum samt fínar skyndisóknir og við skorum sigurmarkið upp úr einni slíkri. Óskar gerði það gríðarlega vel." KR missti Guðmund Reyni úr liðinu rétt fyrir leik og svo varð Atli Sigurjónsson að fara af velli um miðjan fyrri hálfleik. "Ég hef breytt liðinu mikið á undanförnum árum og í vetur. Baldur fór aftur í sömu stöðu og í síðasta leik. Þetta riðlaði okkar leik ekki mikið og ekki ástæðan fyrir því að við fáum þetta mark á okkur. Það var slæmt að missa Atla og hann var góður þessar mínútur sem hann var inn á." Atli sagði við Vísi að hann hefði meitt sig undir fætinum er hann var að hlaupa. Hann vissi ekki hvað nákvæmlega hefði gerst eða væri að sér. Hann var enn haltur eftir leik. Rúnari þjálfara var eðlilega létt að vera kominn með þrjú stig eftir tap í fyrsta leik. Sérstaklega þar sem Blikar voru næstum búnir að jafna í lokin. "Þetta er erfiðisvinna og strákarnir voru búnir að hlaupa úr sér lungun. Blikarnir eru mjög flinkir og sérstaklega á gervigrasinu. Þeir fengu fullmikið pláss í lokin en þetta slapp."Ólafur: Rútan var á öðrum stað Ólafur Kristjánsson, þjálfari Blika, var að vonum nokkuð svekktur enda hans menn nálægt því að krækja í stig. "Ég er svekktur með það hvernig við byrjum leikinn. Við vorum linir og gáfum eftir. Ég veit ekki hvort ég eigi að kalla fyrra markið þeirra ódýrt en ég er fúll með það. Við vorum ekki alveg vaknaðir," sagði Ólafur. "Við hefðum auðvitað getað skorað í restina en þetta var barningur hjá báðum liðum. Þetta var opnari leikur hjá okkur en gegn FH. Rútan hjá okkur var annars staðar núna," sagði Ólafur kíminn en Heimir Guðjónsson, þjálfari FH, sagði að Blikar hefðu lagt tveimur rútum fyrir framan teiginn sinn í síðasta leik. Það var ekki upp á teningnum í kvöld. "KR-ingar áttu sigurinn skilinn alveg eins og við hefðum átt hann skilinn ef við hefðum unnið." Uppskera Blika er eitt stig eftir rimmur við FH og KR. Hvað finnst Ólafi vanta upp á hjá Blikum? "Við megum vera beinskeyttari á síðasta þriðjungi er við eigum færi á að komast í gegn. Við verðum að þora að vera meira með boltann og senda hann upp í stað þess að senda til baka. Við verðum að vera kaldari í því þegar við gerum það þá gerum við það vel."Baldur: Tek stríðnina ekki inn á mig "Okkur er mjög létt. Við vissum að byrjun væri gríðarlega erfið enda leikið gegn Val, Blikum og FH. Draumurinn auðvitað að fá níu stig úr þeim leikjum þá var það kannski hæpið. Eftir lélegan leik gegn Val var léttir að fá þrjú stig í dag," sagði Baldur Sigurðsson, fyrirliði KR. "Okkur hefur gengið illa gegn Blikum síðustu ár og því var þetta kærkomið. Hugarfarið hjá okkur var mun betra núna en síðast. Við náðum tveim alvöru æfingum milli leikja og það var allt annað að sjá menn. "Það var allt annað tempó og grimmd í mönnum. Okkur leið illa eftir tapið í síðasta leik. Það er alltaf tilhlökkun fyrir fyrsta leik og því hræðilega leiðinlegt að tapa honum." Elfar Freyr Helgason var næstum búinn að jafna fyrir Blika í lokin og þá hefði komið í bakið á þeim hversu illa þeim gekk að nýta færin í leiknum. "Þetta var varnarmaður að skjóta þarna þannig að við höfðum engar áhyggjur," sagði Mývetningurinn stríðinn. Talandi um striðni þá hefur Baldur fengið sinn skammt af henni eftir "sólarummælin" í síðasta leik. Nú var engin sól og KR tók öll stigin. "Ég var ekkert að ljúga með sólina í síðasta leik," sagði Baldur og brosti dátt. "Ég tek þessa stríðni ekki inn á mig enda er ég ekki hörundssár maður. Ég er búinn að hlæja að þessu alla vikuna. Það var mjög gott að menn væru frekar að tala um einhver sólarummæli hjá mér en hvað við vorum lélegir. Þetta var bara taktík." Pepsi Max-deild karla Mest lesið Besta fótboltakona heims lögð inn á sjúkrahús fimm dögum fyrir EM Fótbolti Sjáðu stórkostlegt mark Sveindísar í lokaleiknum fyrir EM Fótbolti Tönnin slegin úr henni og var svo bannað að koma aftur inn á völlinn Körfubolti Níu ár síðan að strákarnir okkar „slökktu á“ Steve McClaren í beinni á Sky Sports Fótbolti Hélt að Arnar væri að djóka í sér: „Maður var í smá sjokki“ Fótbolti Brentford hafnaði tilboði Manchester United Enski boltinn Umdeildur öryggisvörður fær stuðning frá Haaland Fótbolti Olivier Giroud verður liðsfélagi Hákonar Fótbolti Hetja Blika í kvöld lá í viku inn á spítala í janúar með blóðsýkingu Íslenski boltinn Færeyingar töpuðu eftir tvíframlengdan leik Handbolti Fleiri fréttir Sjáðu markaveislu Valsmanna og varamannaþrennu Kristófers bjarga Blikum Hetja Blika í kvöld lá í viku inn á spítala í janúar með blóðsýkingu Svarar ekki Óskari Hrafni: „Ég tala bara úti á velli, ekki eftir á“ ÍR-ingar gefa ekkert eftir og tóku toppsætið aftur af Njarðvík Uppgjörið: Stjarnan-Breiðablik 1-4 | Kristófer með þrennu á móti uppeldisfélaginu Uppgjörið: KA-Valur 2-5 | Valsmenn með annan stórsigurinn í röð Önnur góð Reykjavíkurferð hjá Þórsurum Obbekjær hentaði Blikum ekki og fer aftur til Færeyja Gæti orðið dýrastur í sögu KR Stjarnan staðfestir komu Caulker Þóra um hártogið í Bestu: „Þetta er bara botnhegðun“ Komin með hundrað meistaraflokksleiki fyrir nítján ára afmælið sitt John Andrews um uppsögnina: „Kom mér mjög á óvart“ KR-ingar í Melabúðinni um stöðu liðsins: „Verða að gyrða sig í brók“ Höskuldur fékk tveggja leikja bann eftir ofsalega framkomu Furðar sig á fjarveru Lárusar Orra: „Finnst þetta skrítið“ John Andrews og Björn reknir Óskar láti gagnrýnisraddir úr Vesturbæ sem vind um eyru þjóta Fóru yfir lætin í Kópavogi: „Höskuldur tryllist strax frá byrjun“ Sjáðu mörkin úr Bestu: Valur rústaði KR og tvö rauð fóru á loft í Kópavogi Sjáðu slagsmálin eftir jöfnunarmark Blika Uppgjörið: Valur-KR 6-1 | Valsmenn rassskelltu KR-inga Uppgjörið: ÍBV-Afturelding 1-2 | Tvö mörk á tveimur mínútum tryggðu sögulegan sigur Uppgjörið: Breiðablik - Fram 1-1 | Dramatík í Kópavogi Aldrei séð föður sinn jafn glaðan og sáttan í einu og sama verkefninu Sjáðu mörkin úr Bestu þar sem Gylfi Þór fór mikinn og glæsimark var skorað „Gæðin í liðinu munu alltaf skora mörk“ Uppgjör: ÍA-Stjarnan 0-3 | Stjarnan upp í þriðja sætið eftir sigur á botnliðinu Uppgjör: KA-Víkingur 0-2 | Gylfi maðurinn á bak við sigur Víkinga Taplausir ÍR-ingar juku forskot sitt á toppnum Sjá meira
Íslandsmeistarar KR hristu af sér tapið gegn Val í fyrstu umferð í kvöld er þeir sóttu þrjú stig á útivelli gegn Blikum. Það gerðu þeir reyndar á heimavelli Stjörnunnar í Garðabænum. KR-ingar byrjuðu leikinn með miklum látum og strax á 3. mínútu voru þeir komnir yfir. Hröð sókn og sending fyrir hjá Atla. Haukur Heiðar kom mjög grimmur á boltann og setti hann í netið. KR-ingar voru mjög grimmir næstu mínútur og voru ekki fjarri því að bæta við. Smám saman kom ró yfir Blikaliðið. Þeir náðu að loka vörninni og fóru að byggja eitthvað upp. Jöfnunarmarkið kom svo þegar boltinn hrökk til Elfars Árna í teignum eftir klafs. Húsvíkingurinn gerði engin mistök og kláraði færið smekklega. KR-ingar komust í tvígang í mjög álitleg færi eftir jöfnunarmarkið en náðu ekki að gera sér mat úr þeim. Allt jafnt í hálfleik. KR-ingar byrjuðu seinni hálfleik af sama krafti og þann fyrri. Þeir komust svo yfir með frábæru marki frá Óskari Erni. Fékk boltann í teignum einn gegn varnarmanni. Kom sér í skot og negldi boltann í nærhornið. Smekklega gert. KR-ingar héldu boltanum líkt og áður en gekk illa að opna vörn Blika. Að sama skapi gekk Blikum ekkert að opna KR-vörnina og fékk ekki færi. Blikar náðu upp fínni pressu í lokin og Elfar Freyr fékk algjört dauðafæri í uppbótartíma en skot hans rúllaði framhjá markinu. Það var síðasta færi leiksins og KR-ingar tóku því öll stigin. Þessi leikur hjá Blikum var mun betri en FH-leikurinn. Liðinu gekk betur að halda boltanum en það vantar meiri slagkraft í liðið við teiginn. Vantar einhvern kraft og sjálfstraust. Það kemur örugglega en byrjun liðsins mjög erfið. FH og KR í fyrstu leikjunum. Varnarleikur liðsins hefur lofað góðu og Blikaliðið mun klárlega styrkjast í næstu leikjum. Það var aðeins pressa á KR fyrir þennan leik og liðið stóðst pressuna þó svo það hafi staðið tæpt í lokin. Gary og Óskar komu með mikinn kraft í leik liðsins. Gary sívinnandi og Óskar alltaf ógnandi. Hann skoraði svo markið sem skildi liðin að. Haukur Heiðar einnig að byrja mótið af krafti og átti aftur flottan leik. Baldur Sigurðsson kom mun sterkari til leiks núna en hann þarf að stíga betur upp og draga vagninn hjá KR í sumar. Margir settu spurningamerki við hvort Zato væri nógu góður fyrir KR og hann hefur ekki þaggað niður í þeim gagnrýnisröddum í upphafi móts. Sýndi takta inn á milli en virkar oft mjög óöruggur.Rúnar: Hefðum átt að skora meira "Við máttum ekki tapa í dag. Eitt stig hefði svo sem verið allt í lagi gegn sterku liði Breiðabliks en við erum afar sáttir að fá þrjú stig hérna," sagði Rúnar Kristinsson, þjálfari KR, og brosti. "Við vorum alltaf hættulegri en þeir og hefðum átt að skora fleiri mörk í fyrri hálfleik. Við náum aðeins að þétta okkur betur í seinni hálfleik og varnarleikurinn í heildina var mun betri í síðari hálfleik. Fyrir vikið var sóknarleikurinn kannski ekki alveg eins hættulegur en við fáum samt fínar skyndisóknir og við skorum sigurmarkið upp úr einni slíkri. Óskar gerði það gríðarlega vel." KR missti Guðmund Reyni úr liðinu rétt fyrir leik og svo varð Atli Sigurjónsson að fara af velli um miðjan fyrri hálfleik. "Ég hef breytt liðinu mikið á undanförnum árum og í vetur. Baldur fór aftur í sömu stöðu og í síðasta leik. Þetta riðlaði okkar leik ekki mikið og ekki ástæðan fyrir því að við fáum þetta mark á okkur. Það var slæmt að missa Atla og hann var góður þessar mínútur sem hann var inn á." Atli sagði við Vísi að hann hefði meitt sig undir fætinum er hann var að hlaupa. Hann vissi ekki hvað nákvæmlega hefði gerst eða væri að sér. Hann var enn haltur eftir leik. Rúnari þjálfara var eðlilega létt að vera kominn með þrjú stig eftir tap í fyrsta leik. Sérstaklega þar sem Blikar voru næstum búnir að jafna í lokin. "Þetta er erfiðisvinna og strákarnir voru búnir að hlaupa úr sér lungun. Blikarnir eru mjög flinkir og sérstaklega á gervigrasinu. Þeir fengu fullmikið pláss í lokin en þetta slapp."Ólafur: Rútan var á öðrum stað Ólafur Kristjánsson, þjálfari Blika, var að vonum nokkuð svekktur enda hans menn nálægt því að krækja í stig. "Ég er svekktur með það hvernig við byrjum leikinn. Við vorum linir og gáfum eftir. Ég veit ekki hvort ég eigi að kalla fyrra markið þeirra ódýrt en ég er fúll með það. Við vorum ekki alveg vaknaðir," sagði Ólafur. "Við hefðum auðvitað getað skorað í restina en þetta var barningur hjá báðum liðum. Þetta var opnari leikur hjá okkur en gegn FH. Rútan hjá okkur var annars staðar núna," sagði Ólafur kíminn en Heimir Guðjónsson, þjálfari FH, sagði að Blikar hefðu lagt tveimur rútum fyrir framan teiginn sinn í síðasta leik. Það var ekki upp á teningnum í kvöld. "KR-ingar áttu sigurinn skilinn alveg eins og við hefðum átt hann skilinn ef við hefðum unnið." Uppskera Blika er eitt stig eftir rimmur við FH og KR. Hvað finnst Ólafi vanta upp á hjá Blikum? "Við megum vera beinskeyttari á síðasta þriðjungi er við eigum færi á að komast í gegn. Við verðum að þora að vera meira með boltann og senda hann upp í stað þess að senda til baka. Við verðum að vera kaldari í því þegar við gerum það þá gerum við það vel."Baldur: Tek stríðnina ekki inn á mig "Okkur er mjög létt. Við vissum að byrjun væri gríðarlega erfið enda leikið gegn Val, Blikum og FH. Draumurinn auðvitað að fá níu stig úr þeim leikjum þá var það kannski hæpið. Eftir lélegan leik gegn Val var léttir að fá þrjú stig í dag," sagði Baldur Sigurðsson, fyrirliði KR. "Okkur hefur gengið illa gegn Blikum síðustu ár og því var þetta kærkomið. Hugarfarið hjá okkur var mun betra núna en síðast. Við náðum tveim alvöru æfingum milli leikja og það var allt annað að sjá menn. "Það var allt annað tempó og grimmd í mönnum. Okkur leið illa eftir tapið í síðasta leik. Það er alltaf tilhlökkun fyrir fyrsta leik og því hræðilega leiðinlegt að tapa honum." Elfar Freyr Helgason var næstum búinn að jafna fyrir Blika í lokin og þá hefði komið í bakið á þeim hversu illa þeim gekk að nýta færin í leiknum. "Þetta var varnarmaður að skjóta þarna þannig að við höfðum engar áhyggjur," sagði Mývetningurinn stríðinn. Talandi um striðni þá hefur Baldur fengið sinn skammt af henni eftir "sólarummælin" í síðasta leik. Nú var engin sól og KR tók öll stigin. "Ég var ekkert að ljúga með sólina í síðasta leik," sagði Baldur og brosti dátt. "Ég tek þessa stríðni ekki inn á mig enda er ég ekki hörundssár maður. Ég er búinn að hlæja að þessu alla vikuna. Það var mjög gott að menn væru frekar að tala um einhver sólarummæli hjá mér en hvað við vorum lélegir. Þetta var bara taktík."
Pepsi Max-deild karla Mest lesið Besta fótboltakona heims lögð inn á sjúkrahús fimm dögum fyrir EM Fótbolti Sjáðu stórkostlegt mark Sveindísar í lokaleiknum fyrir EM Fótbolti Tönnin slegin úr henni og var svo bannað að koma aftur inn á völlinn Körfubolti Níu ár síðan að strákarnir okkar „slökktu á“ Steve McClaren í beinni á Sky Sports Fótbolti Hélt að Arnar væri að djóka í sér: „Maður var í smá sjokki“ Fótbolti Brentford hafnaði tilboði Manchester United Enski boltinn Umdeildur öryggisvörður fær stuðning frá Haaland Fótbolti Olivier Giroud verður liðsfélagi Hákonar Fótbolti Hetja Blika í kvöld lá í viku inn á spítala í janúar með blóðsýkingu Íslenski boltinn Færeyingar töpuðu eftir tvíframlengdan leik Handbolti Fleiri fréttir Sjáðu markaveislu Valsmanna og varamannaþrennu Kristófers bjarga Blikum Hetja Blika í kvöld lá í viku inn á spítala í janúar með blóðsýkingu Svarar ekki Óskari Hrafni: „Ég tala bara úti á velli, ekki eftir á“ ÍR-ingar gefa ekkert eftir og tóku toppsætið aftur af Njarðvík Uppgjörið: Stjarnan-Breiðablik 1-4 | Kristófer með þrennu á móti uppeldisfélaginu Uppgjörið: KA-Valur 2-5 | Valsmenn með annan stórsigurinn í röð Önnur góð Reykjavíkurferð hjá Þórsurum Obbekjær hentaði Blikum ekki og fer aftur til Færeyja Gæti orðið dýrastur í sögu KR Stjarnan staðfestir komu Caulker Þóra um hártogið í Bestu: „Þetta er bara botnhegðun“ Komin með hundrað meistaraflokksleiki fyrir nítján ára afmælið sitt John Andrews um uppsögnina: „Kom mér mjög á óvart“ KR-ingar í Melabúðinni um stöðu liðsins: „Verða að gyrða sig í brók“ Höskuldur fékk tveggja leikja bann eftir ofsalega framkomu Furðar sig á fjarveru Lárusar Orra: „Finnst þetta skrítið“ John Andrews og Björn reknir Óskar láti gagnrýnisraddir úr Vesturbæ sem vind um eyru þjóta Fóru yfir lætin í Kópavogi: „Höskuldur tryllist strax frá byrjun“ Sjáðu mörkin úr Bestu: Valur rústaði KR og tvö rauð fóru á loft í Kópavogi Sjáðu slagsmálin eftir jöfnunarmark Blika Uppgjörið: Valur-KR 6-1 | Valsmenn rassskelltu KR-inga Uppgjörið: ÍBV-Afturelding 1-2 | Tvö mörk á tveimur mínútum tryggðu sögulegan sigur Uppgjörið: Breiðablik - Fram 1-1 | Dramatík í Kópavogi Aldrei séð föður sinn jafn glaðan og sáttan í einu og sama verkefninu Sjáðu mörkin úr Bestu þar sem Gylfi Þór fór mikinn og glæsimark var skorað „Gæðin í liðinu munu alltaf skora mörk“ Uppgjör: ÍA-Stjarnan 0-3 | Stjarnan upp í þriðja sætið eftir sigur á botnliðinu Uppgjör: KA-Víkingur 0-2 | Gylfi maðurinn á bak við sigur Víkinga Taplausir ÍR-ingar juku forskot sitt á toppnum Sjá meira