Þekkir þú röddina? - Lögreglan birtir upptöku af neyðarkallinu sem reyndist gabb

Kjartan Atli Kjartansson skrifar 11. febrúar 2014 14:26

Viðamikil leit var gerð í kjölfarið, á sjó og í lofti. En ekkert fannst.

Lögreglan leitar nú að þeim aðila sem hafði samband við Landhelgisgæsluna og tilkynnti um leka í báti á Faxaflóa.

Viðamikil leit var gerð í kjölfarið, á sjó og í lofti. En ekkert fannst.

Tilkynning lögreglu hljóðar svo:

Sunnudaginn 2. febrúar sl., laust fyrir klukkan þrjú síðdegis, barst neyðarkall frá báti úti við Faxaflóa. „Báturinn er farinn að leka mikið og við erum að fara í flotgallana,” sagði m.a. í tilkynningunni. Brugðist var skjótt við og hófst mikil leit að bátnum, enda málið grafalvarlegt. Reynt var árangurslaust að ná aftur sambandi við tilkynnanda, en engar frekari upplýsingar voru um bátinn eða sta ðsetningu hans.

Báturinn fannst ekki þrátt fyrir viðamikla leit, en grunur leikur á að um hafi verið að ræða visvítandi ranga tilkynningu senda til vaktstöðvar neyðarsímsvörunar. Málið er nú til rannsóknar hjá Lögreglunni á höfuðborgarsvæðinu, sem birtir hljóðupptöku af neyðarkallinu. Þeir sem þekkja röddina og vita hver þarna talar eru vinsamlegast beðnir um að hafa samband við lögregluna í síma 444-1000, en upplýsingum má einnig koma á framfæri á netfangið abending@lrh.is eða í einkaskilaboðum á fésbókarsíðu Lögreglunnar á höfuðborgarsvæðinu.

Post by Lögreglan á höfuðborgarsvæðinu.

Tengdar fréttir

Gera ráð fyrir því að kalla inn skipin fyrir miðnætti

Landhelgisgæslunni barst tilkynning um leka í bát sem var á siglingu á Faxaflóa á þriðja tímanum í dag en gríðarlega umfangsmikil leit hefur verið að skipverjum í dag.

2. febrúar 2014 20:33

Neyðarkallið líklega gabb

Allt bendir til þess að neyðarkallið sem Landhelgisgæslunni barst í gær, um leka í bát á Faxaflóa, hafi verið gabb.

3. febrúar 2014 19:29

Leit hafin að lekum bát

Leki kom að bát sem var á siglingu á Faxaflóa í dag. Ekki hefur náðst í skipsverja frá því neyðarkall barst.

2. febrúar 2014 15:28

„Búin að leita af okkur allan grun“

Ekkert bendir til þess að um raunverulega neyð hafi verið að ræða þegar neyðarkall barst frá sökkvandi báti á Faxaflóa í gær.

3. febrúar 2014 16:45

Tvær finnskar herþyrlur taka þátt í leitinni

Fréttastofa hefur fengið það staðfest að tvær finnskar herþyrlur taka þátt í leitinni að skipverjum. Landhelgisgæslunni barst tilkynningu leka í bát sem var á siglingu á Faxaflóa á þriðja tímanum í dag.

2. febrúar 2014 16:52

Staðan verður endurmetin í fyrramálið

Víðtæk leit sem staðið hefur yfir frá því í dag á Faxaflóa hefur ekki borið árangur. Ákveðið hefur verið að fresta frekari leit að sinni og verður staðan endurmetin í fyrramálið.

2. febrúar 2014 21:53

Mjög umfangsmikil leit

Landhelgisgæslunni barst tilkynning um leka í bát sem var á siglingu á Faxaflóa á þriðja tímanum í dag. Mennirnir á bátnum tilkynntu um lekann á neyðarrás og að þeir væru allir komnir í flotgalla.

2. febrúar 2014 16:29

Vísbendingar um að neyðarkallið hafi verið gabb

Ýmislegt bendir til þess að um gabb hafi verið að ræða þegar neyðarkall barst frá sökkvandi báti á Faxaflóa í gær. Þrátt fyrir ítarlega leit úr lofti og af sjó í gær, sáust engin ummerki og engan bát vantaði inn í sjálfvirkt kerfi Tilkynningaskyldunnar.

3. febrúar 2014 07:03