Þök hrynja undan snjóþunga

Eigendur heimila og verslana kepptust við að moka snjó af þökum sínum í Vesturhluta New York ríkis í gær þar sem fjöldi þaka hrundi. Snjór hafði fallið látlaust af himni í þrjá daga hefur hann þyngst eftir að það hlýnaði í veðri.

Talið er að ástandið gæti versnað enn frekar þar sem rigningu er spáð á svæðinu um helgina. Því gæti snjórinn þyngst meira og víða eru möguleikar á flóðum.

Samkvæmt AP fréttaveitunni voru rúmlega 50 manns flutt af heimilum sínum í tveimur bæjum í Vestur-New York vegna þess að þök húsa hrundu. Þá þurftu 180 manns að flýja elliheimili eftir að starfsfólk varð vart við búlgur á loftinu.

Í bænum Bellevue hrundi þak rúmlega tólf húsa og þar að auki hrundi þak vöruskemmu. Í vöruskemmunni var geymt jólaskraut og talið er að tjónið sé gífurlegt.

Talið er að tíu manns hafi látíð lífið vegna óveðursins. Þá hafa vegir verið ófærir, skólar lokaðir og matvöruverslanir hafa tilkynnt skort á mjólk og brauði.