Frozen vinsælust á Facebook

Disney-teiknimyndin Frozen er sú mynd sem mest var minnst á á Facebook á þessu ári, samkvæmt samfélagsmiðlinum vinsæla.

Í öðru sæti var ævintýramyndin Guardians of the Galaxy og í því þriðja voru skjaldbökurnar í Teenage Mutant Ninja Turtles. Í fjórða sæti lenti Maleficent og þar á eftir kom The Lego Movie.

Facebook gaf ekki upplýsingar um hversu mörg „læk“ eða ummæli hver mynd fékk. The Fault in Our Stars, Gone Girl og The Hunger Games: Mockingjay-part komust einnig á topp tíu-listann.