Grét fyrir framan leikmennina

Það kom mörgum í opna skjöldu þegar Sir Alex Ferguson tilkynnti í morgun að hann myndi hætta að þjálfa liðið í lok tímabilsins.

Hann er enn við hestaheilsu og hefur oft talað um að halda áfram á meðan hann hefði heilsu til þess að sinna starfinu.

Ferguson sagði fáum frá ákvörðun sinni og leikmenn liðsins sem og starfsfólk félagsins fékk að vita af ákvörðuninni fyrr en í morgun.

Hinn 71 árs gamli Skoti brast í grát í morgun er hann tilkynnti leikmönnum og starfsfólki félagsins um ákvörðun sína. Ferguson hélt þá átta mínútna fund þar sem hann þakkaði öllum í "United-fjölskyldunni" fyrir samstarfið.

Leikmenn voru slegnir eftir ræðu stjórans og sumir eru sagðir hafa komist við. Er stjórinn gekk út stóðu allir upp og klöppuðu fyrir honum.