Hugmyndir Illuga falla í grýttan jarðveg

Illugi Gunnarsson, menntamálaráðherra, sagði í þættinum Sunnudagsmorgun á RÚV í gær að hann hygðist lækka framlag ríkissjóðs til Ríkisútvarpsins um rúmlega tvö hundruð milljónir króna.

Þess í stað yrði RÚV heimilt að afla sér tekna á auglýsingamarkaði. Þannig megi sýna um tólf mínútur af auglýsingum á klukkustund en þær mega aðeins vera átta mínútur eins og reglur segja til um núna.

Hugmyndir Illuga hafa fallið í grýttan jarðveg hjá þeim sem eru á sama auglýsingamarkaði og RÚV. Ingvi Hrafn, framkvæmdastjóri ÍNN sagði í gær að honum þætti fyririlitlegt af ráðherra að gefa ríkinu frítt spil í auglýsingum.

Ari Edwald, forstjóri 365 miðla segir það hafa tekið mörg ár að ná fram takmörkunum á samkeppnismarkaði gagnvart RÚV.

„Eftirlitsstofnun Efta hefur gert athugasemdir við fyrirkomulagið og taldi það ekki standast EES-samninginn. Nú þegar blekið er varla þornað af þeirri niðurstöðu ætla íslensk stjórnvöld að snúa til baka og opna fyrir meiri óeðlilega þáttöku RÚV,“ segir Ari.