Ekki bara dramatík hjá Kardashian

Það eru ekki allir aðilar Kardashian-fjölskyldunnar á kafi í dramatík þessa dagana.

Kardashian-frænkurnar North West, dóttir Kim Kardashian og Kanye West og Penelope, dóttir Kourtney Kardashian og Scott Disick, eru strax orðnar bestu vinkonur.

Þegar Penelope sér North West þá verður hún svo spennt og glöð sagði Kourtney Kardashian um dóttur sína í viðtali við People Magazine.

Hún segir þó að litli drengurinn sinn, Mason, sé enn að venjast litlu frænku sinni.

Þá sagðist hún halda að Mason væri dálítið afbrýðisamur af því að hann og frænka hans, Kim voru svo miklir vinir áður en North West fæddist. Nú er hann ekki lengur hrókur alls fagnaðar hjá frænku sinni. Kourtney er sögð hafa verið iðin við að sýna syni sínum athygli undanfarið því hann virðist hafa orðið svolítið út undan hvað varðar athygli.