Búið spil?

Svo virðist sem ástarloginn hafi slokknað hjá fallega stjörnuparinu Miley Cyrus og Liam Hemsworth.

Sögur hafa verið á kreiki um það að undanförnu að parið hafi gengið í það heilaga í laumi, eftir að Miley íjaði að því í viðtali í marsútgáfu tímaritsins Cosmopolitan. Nú hefur heimildarmaður nákominn parinu látið hafa eftir sér við blaðið US Weekly að parið sé hætt saman. Sá heimildarmaður sagði ástæðu sambandsslitana vera tímaleysi beggja og röng forgangsröðun.

Parið byrjaði saman árið 2009 en hafa gengið í gegnum miklar hæðir og lægðir síðan.