Fær haturstíst vegna hlutverks

Söngkonan Carrie Underwood ræðst ekki á garðinn þar sem hann er lægstur og mun leika Mariu í nýrri sjónvarpsútgáfu af Söngvaseið. Julie Andrews lék sama hlutverk í kvikmyndinni árið 1965 og finnst sumum aðdáendum Söngvaseiðs Carrie ekki passa í hlutverkið.

„Ég fæ haturstíst á borð við „Þú ert ekki Julie Andrews!“ Ég veit að ég er ekki Julie. Enginn getur verið það og ég myndi aldrei reyna að vera hún,“ segir Carrie í viðtali við Entertainment Weekly.

Ásamt Carrie fara Stephen Moyer og Audra McDonald með hlutverk í söngleiknum sem verður sýndur í beinni útsendingu 5. desember á NBC.