Ég varð þunglynd

Leikkonan Sara Gilbert þakkar fyrrverandi kærasta sínum, The Big Bang Theory-leikaranum Johnny Galecki, fyrir að hjálpa sér að gera sér grein fyrir því að hún væri samkynhneigð.

Sara og Johnny deituðu áður en Sara kom út úr skápnum en þau kynntust á setti sjónvarpsþáttarins Roseanne.

“Mér fannst hann mjög sætur og var bálskotin í honum. Við byrjuðum að deita. Hann kom í heimsókn og við keluðum og síðan varð ég þunglynd. Loks sagði ég honum að ég héldi að það væri út af kynhneigð minni og hann tók því mjög vel. Það vissi enginn að ég væri lesbía í mörg ár og Johnny hélt því leyndu. Ég var alltaf mjög hrædd um að koma út úr skápnum,” segir Sara en hún og Johnny eru enn miklir vinir.

Sara er nú trúlofuð lagahöfundinum Lindu Perry sem er hvað þekktust úr sveitinni 4 Non Blondes.