Fimm verstu sjónvarpsþættir ársins

Vefsíðan Rolling Stone er búin að taka saman lista yfir fimm verstu sjónvarpsþætti ársins og nær Óskarsverðlaunahátíðin með kynninum Seth MacFarlane næstum því að hreppa sigursætið vafasama.



1. The Goldbergs (ABC)

„Gamaldags fjölskyldugamanþáttur frá gamaldags sjónvarpsstöð. Hvað gæti klikkað? Hver elskar ekki grín frá níunda áratugnum? Og fólk öskrandi á hvort annað? Kveikið á kerti fyrir það sem er eftir af bandarískum gamanþáttum,“ er skrifað á vefsíðunni.

2. Óskarinn með gaurnum sem samdi Ted (ABC)

„Nei, í alvörunni, þetta gerðist. Þeir leyfðu lúðanum sem skrifaði kvikmyndina Ted að kynna Óskarinn. „Seth MacFarlane“ var nafn hans. Hann truflaði kvikmyndastjörnur í ræðum sínum því hann þurfti meiri tíma til að syngja lög og segja skrýtlur. George Clooney vann Óskarinn fyrir að framleiða Argo en hann fékk ekki að segja orð því það var ekki nægur tími því kynnirinn vildi syngja enn dúettinn enn með Kristin Chenoweth. Þetta gerðist í alvöru,“ er skrifað á Rolling Stone.

3. Community (NBC)

„Flestir þættirnir voru svo slæmir að ég gat ekki klárað þá og Community geymdi það versta þar til síðast - síðustu tveir þættirnir voru svo hræðilegir að allir virtust vera að öskra: Hjálpið mér úr þessum helvítis þætti!“

4. True Blood (HBO)

„Eru þeir komnir að nöktum búálfum? Veit það einhver,“ skrifar pistlahöfundur síðunnar.

5. Ironside (NBC)

„Þetta var þess virði að reyna það. Nei, annars, örugglega ekki.“