Valdi fjölskylduna

Mikið hefur verið fjallað um það í fjölmiðlum að undanförnu að Hermann Hreiðarsson knattspyrnumaður hafi ákveðið að yfirgefa ÍBV. Í nýjasta tölublaði MAN magasín fer hann meðal annars nánar út í ástæðurnar fyrir þeirri ákvörðun. Hann segir það hafa verið of mikið púsluspil fyrir hann og konu hans, Rögnu Lóu, að vera bæði að þjálfa en Ragna Lóa þjálfar kvennalið Fylkis í knattspyrnu. „Ástæðan fyrir því að ég hætti er því fyrst og fremst sú að ég vildi vera nær fjölskyldunni. Þær hafa elt mig út um allt England í mörg ár og nú er komið að mér.“