Miðasala á Glastonbury-hátíðina

Þrátt fyrir að Glastonbury-hátíðin í Englandi hefjist ekki fyrr en þann 25. júní á næsta ári, hefst miðasala á hátíðina þann 6. október. Aðsóknin er gífurleg á þessa stóru tónlistarhátíð.

Í fyrra seldust allir 135 þúsund miðarnir upp á mettíma eða á einni klukkustund og fjörtíu mínútum.

Ekki hefur enn verið tilkynnt hverjir komi til með að koma fram á hátíðinni en orðrómur hefur verið uppi um að listamenn á borð við David Bowie, Fleetwood Mac, Daft Punk, Foo Fighters, Kanye West, Oasis og Adele verði þar á meðal.

Á síðustu hátíð komu meðal annars hljómsveitirnar Arctic Monkeys, Rolling Stones og Mumford & Sons fram við mikinn fögnuð hátíðargesta.