Selena Gomez aflýsir tónleikaferð

Selena Gomez hefur aflýst tónleikaferð sem hún hafði fyrirhugað til Asíu og Ástralíu snemma árs 2014.

Hún segist þurfa að hvíla sig eftir þrotlausa vinnu og ætlar að eyða tíma með fjölskyldu sinni í stað þess að fara í tónleikaferðalag.

Hún segist ekki vera á barmi taugaáfalls, hún sé bara búin að vinna sleitulaust í langan tíma og orkan uppurin.

Allir sem hafa keypt miða fá endurgreitt. Hún biðst afsökunar á að hafa valdið einhverjum vonbrigðum, en hún þurfi einfaldlega að safna kröftum.