Framhjáhald rétt fyrir jól

Dean McDermott, 47 ára, eiginmaður Tori Spelling, 40 ára, til sjö ára, hélt framhjá henni í Toronto í Kanada þann 6. desember. Konan sem hann hélt framhjá með heitir Emily Goodhand, 28 ára, og segir hún frá kynnum þeirra í nýjasta hefti Us Weekly.

"Hann sagði mér að hann og Tori væru í kynlífslausu hjónabandi. Ég trúði honum," segir Emily en hún og Dean nutu ásta í hótelherbergi hans á hótelinu Fairmont Royal York.

Tori og Dean eiga fjögur börn saman: Liam, sex ára, Stellu, fimm ára, Hattie, tveggja ára og Finn, sextán mánaða. Blaðafulltrúi hjónanna hefur ekki tjáð sig um málið.