Á þriðja hundruð manns hjá Tolla

Á þriðja hundrað manns skemmtu sér vel í opnun myndlistarmannsins Tolla á vinnustofu hans í gærkvöld.

Um er að ræða sýningu á fjölda olíumálverka sem bera með sér óð til friðar og fegurðar þar sem landslagið og birtan leika aðalhlutverkið. Tolli, sem er einn þekktasti myndlistamaður Íslands, fagnaði við sama tækifæri útgáfu Kærleikshandbókarinnar.

Hljómsveitin Samsara skemmti gestum og léttar veitingar voru í boði. Þá var minjamarkaður helgra muna og handverks  frá Tibet og Nepal í boði Kailash. 

„Þetta var skemmtileg kvöldstund, ást, gleði og ljós á aðventunni,“ segir Tolli ánægður með opnunina.