Eminem og Rihanna saman á ný

Bandaríski rapparinn Eminem hefur gefið út nýtt lag sem ber nafnið The Monster. Í laginu nýtur hann aðstoðar söngkonunnar, Rihönnu. Lagið er fjórða smáskífulagið sem hann gefur út af nýjustu plötu sinni, sem ber titilinn The Marshall Mathers LP 2. Gert er ráð fyrir að platan komi út í byrjun nóvember.

Lagið þykir einkar hresst og má segja að einskonar poppbragur einkenni lagið, sem er mjög grípandi. Eminem og Rihanna hafa unnið saman áður en þau gáfu út lagið Love the Way You Lie saman árið 2010, sem naut mikilla vinsælda um heim allan.

Eminem kemur fram í Saturday Night Live næstu helgi.