Hreindýr flækt í ólöglegri girðingu
Tveir tarfar eru fastir í girðingu á Flateyjarlandi við Borg á Mýrum skammt frá Höfn í Hornfirði. Alls sex hreindýr festu horn sín í girðingunni og tókst fjórum að losa sig, þó margir enn með hluta girðingarinnar á hornum sér.Tveir sitja hins vegar eftir.
Flestir þeirra tarfa sem flækja sig í girðingu upplifa hægan og kvalarfullan dauðdaga. Að sögn Skúla Benediktssonar, hreindýraleiðsögumanns, þá er vandamálið ekki nýtt af nálinni. Á síðastliðinum 13 árum hafa fjölmörg hreindýr drepist eftir að hafa flækts í ólöglegum girðingum sem liggja niðri.
„Það er hægt að bjarga þessum dýrum en því fylgir mikill kostnaður fyrir sveitarfélagið. Tarfarnir bjargast ef þeir fella hornin en annars munu þeir líklega drepast þarna. Þó þeir komist lífs af þá sleppa þeir sjaldan óskaddaðir,“ segir Skúli.
Umrædd girðing er á landssvæði í eigu ríkisins. Skúli segir það hins vegar á ábyrgð sveitarfélagsins að tryggja girðingar séu löglegar. „Það er ítrekað búið að gera athugasemdir vegna þessara girðinga en það virðist sem það beri engan árangur.“
Meðfylgjandi myndir tók Sigurður Guðjónsson frá Borg á Mýrum.
Tengdar fréttir
Girðingar í góðu standi en hreindýr drepast úr hor
Bæjarstjóri Hornafjarðar segir girðingar í góðu lagi í landi Flateyjar í Mýrum. Því ættu engin hreindýr að flækjast í þeim og drepast. Hins vegar sé það áhyggjuefni að hreindýr í Hornafirði hafi drepist úr hor á undanförnum dögum og því sé brýnt að rannsaka beitarþol. Fréttastofa greindi frá því í gær að tveir dýraverndunarsinnar hefðu kært
Tveir kært Hornafjörð vegna hreindýradrápa
Tveir dýraverndunarsinnar hafa kært sveitarfélag Hornafjarðar fyrir meint brot á lögum um dýravernd og girðingarlögum. Fjöldi hreindýra hefur drepist í sveitarfélaginu eftir að hafa flækst í girðingarvír.
