Blátt áfram í skólana Jakob Bjarnar skrifar 18. september 2013 14:31 Sigríður segir eðlilegt að neikvæðar raddir heyrist vegna starfs Blátt áfram; verið er að ýta við málaflokki sem fæstir vilja vita af. Samtökin Blátt áfram eru að hefja sitt starf í skólum landsins en tilkynningum um kynferðisbrot gegn börnum fjölgar ætíð verulega eftir heimsóknir samtakanna. Blátt áfram hafa mátt sæta gagnrýni á þeim forsendum að hugsanlega sé tilkynnt um brot sem engin eru. Sigríður Björnsdóttir, framkvæmdastjóri Blátt áfram, segir að fyrst og fremst starfi samtökin að fræðslu fyrir fullorðna, foreldra og aðra sem starfa með börnum og unglingum; við að finna leiðir og átta sig á því hversu lítið þurfi í raun að gera til að koma í veg fyrir kynferðisofbeldi. „En við erum líka að bjóða uppá fræðslu fyrir skóla; börnin og unglingana. Það er það sem við erum fyrst og fremst í núna. Erum að fara í skólana: Brúðuleikhúsið fyrir krakkana – Krakkarnir í hverfinu, svo erum við með teiknimyndina Leyndarmálið og svo erum við með lífsleikni fyrir unglingana.“ Samtökin eru með auglýsingaherferð í farvatninu nú í lok mánaðarins og fjölmiðlaumfjöllun. Þá mun fyrsta herferðin endursýnd, „sem vakti mikla athygli og var markviss,“ en samtökin verða tíu ára á þessu ári. Flestir eru sammála um að fyllsta ástæða sé til að ræða þennan skelfilega vanda og hinn viðurstyggilega verknað sem kynferðisofbeldi gegn börnum er. Engu að síður hafa Blátt áfram sætt gagnrýni. Hermann Stefánsson rithöfundur skrifaði til að mynda grein sem birtist í Fréttablaðinu í maí á þessu ári og vakti nokkra athygli. Þar segist hann ekki trúa á þá „sjúklegu hugmyndafræði“ sem Blátt áfram boðar, það „ofsóknarbrjálæði sem samtökin vilja að fólk lifi í“. Sigríður kannast við gagnrýni. „Jájá, við heyrum líka neikvæðar raddir. Það er eðlilegt. Við erum að ýta við málaflokki sem fæstir vilja vita af. Áhyggjurnar eru held ég þær að fólk hafi óttast að verið sé að tilkynna um hvað eina er varðar börnin. Við viljum að sérfræðingar skeri úr um hvað er að angra barnið, hvort um sé að ræða kynferðisofbeldi eða eitthvað annað. Varðandi þennan málaflokk, ef fólk gæfi sér tækifæri og tíma til að kynna sér þetta þá myndi það átta sig á því að það er svo margt sem það veit ekki að það veit ekki, ef svo má segja. Það er svo margt sem við sjáum ekki af því að við erum ekki með réttu gleraugun. En þegar við erum komin með haldgóðar upplýsingar um það hverju við erum að leita að, þá sjáum við miklu meira.“ Sigríður skorar á þá einstaklinga sem vilja gagnrýna starf Blátt áfram að hafa samband við sig, fá meiri upplýsingar eða jafnvel sitja fyrirlestra á vegum samtakanna. „Óttinn er góður því það segir mér að fólk er að koma út úr afneitun. Og það er miklu meira um kynferðisofbeldi en við áttum okkur á.“ Sigríður segir að alltaf í kjölfar kynninga eða sýninga Blátt áfram fjölgi mjög tilkynningum. „Börnin verða að fá þau skilaboð að ef þau segja frá, þá fá þau hjálp. Við viljum vera til staðar fyrir þau. Það hefur mikið breyst í samfélaginu. Þegar við hófum starf 2004 var ekki mikil umræða um þetta, þó Stígamót hafi lyft Grettistaki, en það er mikilvægt að halda umræðunni við og minna á að það er mikið af börnum sem verða fyrir svona ofbeldi – og við erum ekki að taka eftir því.“ Mest lesið Sérsveitin kölluð út í miðbæ Akureyrar Innlent Önnur sprunga opnast Innlent Mælirinn fullur hjá rekstraraðilum í Grindavík sem ætla í hart Innlent Greip inn í rán í Krónunni: Gengu út með „kjaftfullar körfur“ Innlent Krefst fundar með utanríkisráðherra án tafar Innlent Grátrana vappaði um í Gunnarsholti Innlent Trump kærir fjölmiðlaveldi fyrir ærumeiðingar Erlent Upplifa eitthvað nýtt og eignast nýja vini Innlent Fréttu af andláti föður síns eftir að hann var jarðsettur Innlent Metallica kom Tomorrowland til bjargar eftir brunann Erlent Fleiri fréttir Sérsveitin kölluð út í miðbæ Akureyrar Mælirinn fullur hjá rekstraraðilum í Grindavík sem ætla í hart Upplifa eitthvað nýtt og eignast nýja vini Grátrana vappaði um í Gunnarsholti Íslenskur fjárhundur á Bessastaði? Krefst fundar með utanríkisráðherra án tafar Mygla fannst á bæjarskrifstofunum Minnihlutinn verði bara að treysta þjóðinni Litlu mátti muna: Glannalegur framúrakstur í Hörgárdal Málsókn Grindvíkinga, heimóttarskapur og heimkoma í beinni Glerflöskur stranglega bannaðar á Þjóðhátíð Dæmdur fyrir að flytja kratom til landsins Fundu fleiri vopn og handtóku suma á skemmtun á Selfossi Fréttu af andláti föður síns eftir að hann var jarðsettur Ógnaði lífi vegfarenda og lögreglu með ofsaakstri í Hafnarfirði Var ekki að láta undan þrýstingi Grindvíkinga Afleiðingarnar velti á Flokki fólksins Kannast við tannstönglatrixið: „Nágrannavarsla er albesta vörnin“ Kjósendur stjórnarflokkanna „bitrir“ og í basli með sjálfsmyndina Búast við gosmóðu fyrir norðan og vestan næstu daga Sinnaskipti lögreglustjórans og Þorgerður ræðir væntanlegan varnarsamning við ESB Greip inn í rán í Krónunni: Gengu út með „kjaftfullar körfur“ Sagði veikri dóttur sinni að hann vonaði að hún myndi deyja Tíðindalítil nótt á gosstöðvunum „Það er bara ömurlegt að fá þessi tíðindi núna“ Skipulögð skref í átt að aðild án umboðs þjóðarinnar Séríslenskt gervi-Oxy í mikilli dreifingu Grindavík opin fyrir almenning á nýjan leik Ferðamenn streyma í Hrísey alla daga vikunnar Tilkynnt um þjófnað í fjórum verslunum Sjá meira
Samtökin Blátt áfram eru að hefja sitt starf í skólum landsins en tilkynningum um kynferðisbrot gegn börnum fjölgar ætíð verulega eftir heimsóknir samtakanna. Blátt áfram hafa mátt sæta gagnrýni á þeim forsendum að hugsanlega sé tilkynnt um brot sem engin eru. Sigríður Björnsdóttir, framkvæmdastjóri Blátt áfram, segir að fyrst og fremst starfi samtökin að fræðslu fyrir fullorðna, foreldra og aðra sem starfa með börnum og unglingum; við að finna leiðir og átta sig á því hversu lítið þurfi í raun að gera til að koma í veg fyrir kynferðisofbeldi. „En við erum líka að bjóða uppá fræðslu fyrir skóla; börnin og unglingana. Það er það sem við erum fyrst og fremst í núna. Erum að fara í skólana: Brúðuleikhúsið fyrir krakkana – Krakkarnir í hverfinu, svo erum við með teiknimyndina Leyndarmálið og svo erum við með lífsleikni fyrir unglingana.“ Samtökin eru með auglýsingaherferð í farvatninu nú í lok mánaðarins og fjölmiðlaumfjöllun. Þá mun fyrsta herferðin endursýnd, „sem vakti mikla athygli og var markviss,“ en samtökin verða tíu ára á þessu ári. Flestir eru sammála um að fyllsta ástæða sé til að ræða þennan skelfilega vanda og hinn viðurstyggilega verknað sem kynferðisofbeldi gegn börnum er. Engu að síður hafa Blátt áfram sætt gagnrýni. Hermann Stefánsson rithöfundur skrifaði til að mynda grein sem birtist í Fréttablaðinu í maí á þessu ári og vakti nokkra athygli. Þar segist hann ekki trúa á þá „sjúklegu hugmyndafræði“ sem Blátt áfram boðar, það „ofsóknarbrjálæði sem samtökin vilja að fólk lifi í“. Sigríður kannast við gagnrýni. „Jájá, við heyrum líka neikvæðar raddir. Það er eðlilegt. Við erum að ýta við málaflokki sem fæstir vilja vita af. Áhyggjurnar eru held ég þær að fólk hafi óttast að verið sé að tilkynna um hvað eina er varðar börnin. Við viljum að sérfræðingar skeri úr um hvað er að angra barnið, hvort um sé að ræða kynferðisofbeldi eða eitthvað annað. Varðandi þennan málaflokk, ef fólk gæfi sér tækifæri og tíma til að kynna sér þetta þá myndi það átta sig á því að það er svo margt sem það veit ekki að það veit ekki, ef svo má segja. Það er svo margt sem við sjáum ekki af því að við erum ekki með réttu gleraugun. En þegar við erum komin með haldgóðar upplýsingar um það hverju við erum að leita að, þá sjáum við miklu meira.“ Sigríður skorar á þá einstaklinga sem vilja gagnrýna starf Blátt áfram að hafa samband við sig, fá meiri upplýsingar eða jafnvel sitja fyrirlestra á vegum samtakanna. „Óttinn er góður því það segir mér að fólk er að koma út úr afneitun. Og það er miklu meira um kynferðisofbeldi en við áttum okkur á.“ Sigríður segir að alltaf í kjölfar kynninga eða sýninga Blátt áfram fjölgi mjög tilkynningum. „Börnin verða að fá þau skilaboð að ef þau segja frá, þá fá þau hjálp. Við viljum vera til staðar fyrir þau. Það hefur mikið breyst í samfélaginu. Þegar við hófum starf 2004 var ekki mikil umræða um þetta, þó Stígamót hafi lyft Grettistaki, en það er mikilvægt að halda umræðunni við og minna á að það er mikið af börnum sem verða fyrir svona ofbeldi – og við erum ekki að taka eftir því.“
Mest lesið Sérsveitin kölluð út í miðbæ Akureyrar Innlent Önnur sprunga opnast Innlent Mælirinn fullur hjá rekstraraðilum í Grindavík sem ætla í hart Innlent Greip inn í rán í Krónunni: Gengu út með „kjaftfullar körfur“ Innlent Krefst fundar með utanríkisráðherra án tafar Innlent Grátrana vappaði um í Gunnarsholti Innlent Trump kærir fjölmiðlaveldi fyrir ærumeiðingar Erlent Upplifa eitthvað nýtt og eignast nýja vini Innlent Fréttu af andláti föður síns eftir að hann var jarðsettur Innlent Metallica kom Tomorrowland til bjargar eftir brunann Erlent Fleiri fréttir Sérsveitin kölluð út í miðbæ Akureyrar Mælirinn fullur hjá rekstraraðilum í Grindavík sem ætla í hart Upplifa eitthvað nýtt og eignast nýja vini Grátrana vappaði um í Gunnarsholti Íslenskur fjárhundur á Bessastaði? Krefst fundar með utanríkisráðherra án tafar Mygla fannst á bæjarskrifstofunum Minnihlutinn verði bara að treysta þjóðinni Litlu mátti muna: Glannalegur framúrakstur í Hörgárdal Málsókn Grindvíkinga, heimóttarskapur og heimkoma í beinni Glerflöskur stranglega bannaðar á Þjóðhátíð Dæmdur fyrir að flytja kratom til landsins Fundu fleiri vopn og handtóku suma á skemmtun á Selfossi Fréttu af andláti föður síns eftir að hann var jarðsettur Ógnaði lífi vegfarenda og lögreglu með ofsaakstri í Hafnarfirði Var ekki að láta undan þrýstingi Grindvíkinga Afleiðingarnar velti á Flokki fólksins Kannast við tannstönglatrixið: „Nágrannavarsla er albesta vörnin“ Kjósendur stjórnarflokkanna „bitrir“ og í basli með sjálfsmyndina Búast við gosmóðu fyrir norðan og vestan næstu daga Sinnaskipti lögreglustjórans og Þorgerður ræðir væntanlegan varnarsamning við ESB Greip inn í rán í Krónunni: Gengu út með „kjaftfullar körfur“ Sagði veikri dóttur sinni að hann vonaði að hún myndi deyja Tíðindalítil nótt á gosstöðvunum „Það er bara ömurlegt að fá þessi tíðindi núna“ Skipulögð skref í átt að aðild án umboðs þjóðarinnar Séríslenskt gervi-Oxy í mikilli dreifingu Grindavík opin fyrir almenning á nýjan leik Ferðamenn streyma í Hrísey alla daga vikunnar Tilkynnt um þjófnað í fjórum verslunum Sjá meira