Bakaði regnbogaköku fram á nótt

Verslunin Kjólar & konfekt heldur rækilega upp á hinsegin dagana í dag og bjóða starfsmenn verslunarinnar meðal annars upp á heimabakaða regnbogaköku með kaffinu.

Er dagurinn í dag sannkallaður regnbogadagur í versluninni þar sem allir starfsmenn verða klæddir í regnbogakjóla og útstillingin í glugganum er í öllum regnbogans litum.

Anna Kristín Magnúsdóttir, eigandi Kjólar & konfekt, hlakkar gífurlega til dagsins þó hún hafi verið að baka regnbogakökuna langt fram eftir miðnætti í gær.

“Það verður mikið húllumhæ í bænum í dag og við ætlum svo sannarlega að taka þátt í því. Við vildum gera eitthvað skemmtilegt í búðinni í tilefni hinsegin daga og fagna þeim rækilega,” segir hún í dúndurstuði á þessum laugardagsmorgni.

Þetta er ekki í fyrsta sinn sem Anna Kristín tekur upp á því að gefa lífinu lit á Laugaveginum. Starfsmenn verslunarinnar vöktu óskipta athygli á sjómannadaginn þegar þeir klæddust allir glæsilegum matrósakjólum. Alltaf líf og fjör í þessari fallegu kjólabúð á Laugavegi 92 en gestir geta gætt sér á regnbogakökunni frægu frá klukkan 13 til 17 í dag.

Facebook-síða Kjóla & konfekts.

Dragðu Tarotspil dagsins hér.