Öðru tilboði Arsenal í Suarez hafnað

Liverpool hefur hafnað 40 milljóna punda tilboði Arsenal í framherjann Luis Suarez. Þetta er annað tilboð Lundúnaliðsins í Úrúgvæjann á tveimur vikum.

Guardian greinir frá því að forráðamenn Liverpool séu afar ósáttir við tilboð Arsenal. Þeir hafi áður látið forsvarsmenn Lundúnafélagsins vita að 40 milljóna punda tilboði yrði hafnað. Arsenal bauð engu að síður upphæðina og eitt sterlingspund til viðbótar í framherjann.

Ástæðan fyrir sterlingspundinu sem Arsenal bætti við milljónirnar fjörutíu er sú að í samningi Suarez við Liverpool er klausa þess efnis að láta þurfi Suarez vita berist tilboð hærra en 40 milljónir punda í kappann.

Forsvarsmenn Liverpool urðu því að greina Suarez frá tilboðinu sem getur talað fyrir brottför sinni frá Liverpool óski hann sjálfur eftir því. Suarez hefur oftar en einu einni í sumar gefið í skyn óánægju sína með breska fjölmiðla og enska knattspyrnusambandið.