Lady Gaga giftir sig

Söngfuglinn Lady Gaga ætlar að giftast kærasta sínum, Vampire Diaries-folanum Taylor Kinney, í sumar. Að sögn vinkonu lafðinnar, DJ Starlight, er samband þeirra orðið mjög alvarlegt og tilbúið fyrir næsta skref.

"Hún hefur sagt mér að hann sé sá eini rétti og maður sér það strax þegar maður sér þau saman. Þau voru sköpuð fyrir hvort annað. Ég held að ég sé ekki að afhjúpa leyndarmál þegar ég segi að þau séu tilbúin til að ganga í það heilaga á þessu ári," segir plötusnúðurinn.

Þetta dínamíska dúó er búið að deita síðan í september árið 2011 þegar Lady Gaga valdi Taylor til að leika í tónlistarmyndbandinu You And I. Þau búa saman í Chicago og eru akkúrat bæði í fríi um tíma í sumar sem gefur þeim svigrúm til að plana brúðkaup.

Þú gætir unnið - vertu með okkur á Facebook.