Sakaður um framhjáhald

Hjónaband Khloe Kardashian og Lamars Odom mun vera á bláþræði þessa dagana en sögur um framhjáhald Lamars hafa farið eins og eldur í sinu undanfarið.

Nú hafa tvær konur sagst hafa sofið hjá körfuboltastjörnunni þrátt fyrir að hann sé heitbundinn Khloe.

Önnur kvennanna, Polina Polonsku, heldur því fram að þau Lamar hafi átt í sex vikna ástarsambandi sem mun hafa byrjað sama kvöld og haldið var steypiboð fyrir Kim, systur Khloe, eða þann 2. júní síðastliðinn.

Khloe og Lamar segja sögurnar ekki sannar og að þau séu ekki á leiðinni að skilja.