Dóttir Manuelu slær í gegn hjá þekktum hönnuði

Myndin af Elmu Rós, 3 ára dóttur Manuelu Ósk Harðardóttur fatahönnunarnema í Listaháskóla Íslands hefur heldur betur slegið í gegn á Instagram myndasíðu fatahönnuðarins Brian Lichtenberg. Nú þegar hafa tæplega 3000 manns líkað við myndina sem sjá má neðar í grein.  Miley Cyrus, Rihanna, Snoop Dogg og Cara Delevingne eru á meðal hundruðum þúsunda einstaklinga sem fylgja Brian á Instagram.

Spurð um myndina af Elmu svarar Manuela móðir hennar: „Sko, þetta kemur allt frá henni sjálfri. Hún er svo rosalegur karakter. Það eina sem ég sagði við hana var: „Má ég sjá hvað þú ert kúl?". Því hún var búin að setja á sig HOMIÉS húfuna mína og þá byrjaði hún bara."

Húfan sem Elma er með á myndinni er eftir Brian fyrrnefndan hönnuð en hann sýndi nýju línuna sína á tískuvikunni í New York á dögunum.

Post by Lífið á Visir.is.