Eyðir 600 milljónum í brúðkaupið

Leikkonan Jessica Biel er aldeilis heppin ef eitthvað er að marka nýjustu sögusagnirnar um væntanlegt brúðkaup hennar og tónlistarmannsins Justins Timberlake. Justin ætlar nefnilega að eyða fimm milljónum dollara í brúðkaupið, rúmlega 600 milljónum króna, sem haldið verður á Suður-Ítalíu.

Turtildúfurnar ætla víst að láta pússa sig saman á hótelinu Palazzo Margherita í bænum Bernalda í október.

Á boðslistanum eru til dæmis leikkonan Amy Adams, spéfuglinn Ellen DeGeneres og meðlimir NSync, strákabandsins sem Justin var einu sinni í. Gestirnir þurfa ekki að borga krónu því Justin mun sjá um reikninginn. Nú verður spennandi að sjá hvernig kjóllinn hennar Jessicu verður.