Framhjáhald veldur fjaðrafoki í hernum 13. nóvember 2012 23:45 Herforingjarnir John Allen og David Petraeus ásamt varnarmálaráðherranum Leon Penett. Allen tók sumarið 2011 við af Petraeus sem yfirmaður bandaríska herliðsins í Afganistan. nordicphotos/AFP John Allen, yfirmaður bandaríska herliðsins í Afganistan, sætir nú rannsókn í tengslum við framhjáhald Davids Petraeus. Í síðustu viku sagði Petraeus af sér sem yfirmaður CIA vegna framhjáhaldsins. Framhjáhald Davids Petraeusar, sem á föstudag sagði af sér sem yfirmaður leyniþjónustunnar CIA, með Paulu Broadwell ætlar að draga lengri dilk á eftir sér en í fyrstu var talið. Nú er röðin komin að John Allen, yfirmanni bandaríska herliðsins í Afganistan, sem orðið hefur uppvís að „óviðeigandi“ tölvusamskiptum við aðra vinkonu Petraeusar, Jill Kelley. Bandaríska varnarmálaráðuneytið hefur tekið við rannsókn á þessum tölvusamskiptum af bandarísku alríkislögreglunni FBI. Þá hefur Leon Panetta varnarmálaráðherra frestað því að gera Allen að yfirmanni bandaríska herliðsins í Evrópu og jafnframt herafla Atlantshafsbandalagsins í Evrópu. Upp komst um framhjáhaldið þegar alríkislögreglan FBI hóf rannsókn á nafnlausum hótunarbréfum til Kelley, sem Petraeus hefur þekkt lengi. Í þessum bréfum er Kelley sagt að halda sig fjarri Petraeus. Rannsóknin leiddi í ljós að hótunarbréfin komu frá Paulu Broadwell, sem hafði skrifað ævisögu Petraeusar. Þar með hafði lögreglan fengið ástæðu til að kanna frekar tölvupóst hennar, og komst þannig að því að samband Broadwell og Petreausar var býsna náið. Samband þeirra Petraeusar og Broadwell virðist hafa byrjað í nóvember árið 2011, þegar Petraeus var nýtekinn við yfirmennsku hjá CIA. Hann hafði áður verið yfirmaður bandaríska herliðsins í Afganistan. Sambandi þeirra virðist síðan hafa lokið í júlí á þessu ári. Herforinginn Allen, sem tók við af Petraeus í Afganistan sumarið 2011, flæktist síðan í málið þegar í ljós kom að Kelley hafði átt í tölvusamskiptum við hann, en varnarmálaráðuneyti Bandaríkjanna segir þau bréfaskipti hafa verið „óviðeigandi“. Um er að ræða 20 til 30 þúsund blaðsíður af tölvupóstskeytum og öðrum skjölum sem fóru á milli þeirra á árunum 2010 til 2012. Ekki hefur verið skýrt frá því hvað er svona óviðeigandi við þessi tölvusamskipti, en helst hefur verið nefnt að annaðhvort hafi þau átt í ástarsambandi eða í skjölunum hafi verið viðkvæmar upplýsingar. Hvort heldur sem er gæti Allen átt yfir höfði sér refsingu. Í bandaríska hernum er framhjáhald brot gegn herreglum, og sömuleiðis varðar við lög að leka upplýsingum er varða herinn. Ekki hefur heldur komið skýrt fram hvort Petraeus sagði af sér vegna framhjáhaldsins eða vegna þess að hann hafi hugsanlega veitt Broadwell meiri upplýsingar en hann hafði heimild til.gudsteinn@frettabladid.is Mest lesið Icelandair flýgur til Færeyja að nýju Innlent Stutt í næsta gos komi til gosloka Innlent „Það er hart sótt að okkar fólki“ Innlent Úrskurðurinn felldur úr gildi Innlent Háskólanemar halda lautarferð og stofna hreyfingu fyrir Palestínu Innlent Litaðir seðlar til skoðunar og málið á mjög viðkvæmu stigi Innlent Vilja endurupptöku í máli Weinstein Erlent Rúður skotnar í spað í verslun innflytjenda Innlent Sinueldur í Munaðarneslandi Innlent Íslensk stjórnvöld haldin „sjúkri undirgefni“ Innlent Fleiri fréttir Vilja endurupptöku í máli Weinstein Þrjú hundruð handtekin í Columbia-háskóla Stuðningur við dönsku ríkisstjórnina aldrei verið minni Mótmælendur og gagnmótmælendur tókust á Trump sektaður um meira en milljón króna Rússar sagðir nota skotflaugar frá Norður-Kóreu Þrettán ára drengur stunginn til bana með sverði Særði minnst fimm með sverði í Lundúnum Íslendingur sem lúbarði lögreglumenn í Varsjá þarf að borga brúsann Fjórir lögreglumenn skotnir til bana í Charlotte Rostungur sem fannst í fyrra drapst af völdum fuglaflensu Hvetur Hamas til að ganga að rausnarlegum tillögum Ísrael Flugvöllur Færeyinga fær að taka við stærri þotum Yousaf segir af sér sem ráðherra og formaður Skoska þjóðarflokksins Sánchez hættir við að segja af sér Grafið undan fjölmiðlafrelsinu víða í Evrópu Vopnahlé í sjónmáli? Tveir látnir eftir að bíll hafnaði í sjónum við Stokkhólm Fjölmenn mótmæli vegna ofbeldisbylgju í Ástralíu Vasaúr ríkasta manns Titanic seldist á 210 milljónir Þúsundir hvöttu Sánchez til að segja ekki af sér Skoða að færa Mónu Lísu í eigið herbergi Harvey Weinstein lagður inn á spítala Þingmaður hleypti af skoti fyrir utan skemmtistað Rýma dómshús vegna sprengjuhótunar Dómstóll fyrirskipar handtöku landbúnaðarráðherra Selenskís Ákvörðun áfrýjunardómstólsins áfall og stórt skref aftur á bak Trump líklegur til að græða á úrskurði Hæstaréttar Dómi Harvey Weinstein snúið við Tekur fyrir að hafa verið „hermaður Hitlers“ Sjá meira
John Allen, yfirmaður bandaríska herliðsins í Afganistan, sætir nú rannsókn í tengslum við framhjáhald Davids Petraeus. Í síðustu viku sagði Petraeus af sér sem yfirmaður CIA vegna framhjáhaldsins. Framhjáhald Davids Petraeusar, sem á föstudag sagði af sér sem yfirmaður leyniþjónustunnar CIA, með Paulu Broadwell ætlar að draga lengri dilk á eftir sér en í fyrstu var talið. Nú er röðin komin að John Allen, yfirmanni bandaríska herliðsins í Afganistan, sem orðið hefur uppvís að „óviðeigandi“ tölvusamskiptum við aðra vinkonu Petraeusar, Jill Kelley. Bandaríska varnarmálaráðuneytið hefur tekið við rannsókn á þessum tölvusamskiptum af bandarísku alríkislögreglunni FBI. Þá hefur Leon Panetta varnarmálaráðherra frestað því að gera Allen að yfirmanni bandaríska herliðsins í Evrópu og jafnframt herafla Atlantshafsbandalagsins í Evrópu. Upp komst um framhjáhaldið þegar alríkislögreglan FBI hóf rannsókn á nafnlausum hótunarbréfum til Kelley, sem Petraeus hefur þekkt lengi. Í þessum bréfum er Kelley sagt að halda sig fjarri Petraeus. Rannsóknin leiddi í ljós að hótunarbréfin komu frá Paulu Broadwell, sem hafði skrifað ævisögu Petraeusar. Þar með hafði lögreglan fengið ástæðu til að kanna frekar tölvupóst hennar, og komst þannig að því að samband Broadwell og Petreausar var býsna náið. Samband þeirra Petraeusar og Broadwell virðist hafa byrjað í nóvember árið 2011, þegar Petraeus var nýtekinn við yfirmennsku hjá CIA. Hann hafði áður verið yfirmaður bandaríska herliðsins í Afganistan. Sambandi þeirra virðist síðan hafa lokið í júlí á þessu ári. Herforinginn Allen, sem tók við af Petraeus í Afganistan sumarið 2011, flæktist síðan í málið þegar í ljós kom að Kelley hafði átt í tölvusamskiptum við hann, en varnarmálaráðuneyti Bandaríkjanna segir þau bréfaskipti hafa verið „óviðeigandi“. Um er að ræða 20 til 30 þúsund blaðsíður af tölvupóstskeytum og öðrum skjölum sem fóru á milli þeirra á árunum 2010 til 2012. Ekki hefur verið skýrt frá því hvað er svona óviðeigandi við þessi tölvusamskipti, en helst hefur verið nefnt að annaðhvort hafi þau átt í ástarsambandi eða í skjölunum hafi verið viðkvæmar upplýsingar. Hvort heldur sem er gæti Allen átt yfir höfði sér refsingu. Í bandaríska hernum er framhjáhald brot gegn herreglum, og sömuleiðis varðar við lög að leka upplýsingum er varða herinn. Ekki hefur heldur komið skýrt fram hvort Petraeus sagði af sér vegna framhjáhaldsins eða vegna þess að hann hafi hugsanlega veitt Broadwell meiri upplýsingar en hann hafði heimild til.gudsteinn@frettabladid.is
Mest lesið Icelandair flýgur til Færeyja að nýju Innlent Stutt í næsta gos komi til gosloka Innlent „Það er hart sótt að okkar fólki“ Innlent Úrskurðurinn felldur úr gildi Innlent Háskólanemar halda lautarferð og stofna hreyfingu fyrir Palestínu Innlent Litaðir seðlar til skoðunar og málið á mjög viðkvæmu stigi Innlent Vilja endurupptöku í máli Weinstein Erlent Rúður skotnar í spað í verslun innflytjenda Innlent Sinueldur í Munaðarneslandi Innlent Íslensk stjórnvöld haldin „sjúkri undirgefni“ Innlent Fleiri fréttir Vilja endurupptöku í máli Weinstein Þrjú hundruð handtekin í Columbia-háskóla Stuðningur við dönsku ríkisstjórnina aldrei verið minni Mótmælendur og gagnmótmælendur tókust á Trump sektaður um meira en milljón króna Rússar sagðir nota skotflaugar frá Norður-Kóreu Þrettán ára drengur stunginn til bana með sverði Særði minnst fimm með sverði í Lundúnum Íslendingur sem lúbarði lögreglumenn í Varsjá þarf að borga brúsann Fjórir lögreglumenn skotnir til bana í Charlotte Rostungur sem fannst í fyrra drapst af völdum fuglaflensu Hvetur Hamas til að ganga að rausnarlegum tillögum Ísrael Flugvöllur Færeyinga fær að taka við stærri þotum Yousaf segir af sér sem ráðherra og formaður Skoska þjóðarflokksins Sánchez hættir við að segja af sér Grafið undan fjölmiðlafrelsinu víða í Evrópu Vopnahlé í sjónmáli? Tveir látnir eftir að bíll hafnaði í sjónum við Stokkhólm Fjölmenn mótmæli vegna ofbeldisbylgju í Ástralíu Vasaúr ríkasta manns Titanic seldist á 210 milljónir Þúsundir hvöttu Sánchez til að segja ekki af sér Skoða að færa Mónu Lísu í eigið herbergi Harvey Weinstein lagður inn á spítala Þingmaður hleypti af skoti fyrir utan skemmtistað Rýma dómshús vegna sprengjuhótunar Dómstóll fyrirskipar handtöku landbúnaðarráðherra Selenskís Ákvörðun áfrýjunardómstólsins áfall og stórt skref aftur á bak Trump líklegur til að græða á úrskurði Hæstaréttar Dómi Harvey Weinstein snúið við Tekur fyrir að hafa verið „hermaður Hitlers“ Sjá meira