Tölvuleikir og tækni

Í tilefni af sýningu myndarinnar Indie Game: The Movie stendur Riff-hátíðin í samstarfi við tölvuleikjaframleiðandann CCP að pallborðsumræðum á Sólon föstudaginn 5. október. Yfirskrift umræðnanna er Vöxtur og umfang tölvuleikjaframleiðslu og möguleikar sjálfstæðra framleiðenda til framtíðar.

Leikstjórar Indie Game, þau James Swirsky og Lisanne Pajot, sitja umræðurnar ásamt Torfa Frans Ólafssyni, listrænum stjórnanda CCP, Jónasi Björgvin Antonssyni, framkvæmdastjóra Gogogic, og Sesselju Vilhjálmsdóttur. Hún er önnur leikstjóra myndarinnar The Start Up Kids sem er einnig sýnd á hátíðinni. Myndin fjallar um unga frumkvöðla í tækni- og þekkingariðnaði. Meðal viðmælenda eru stofnendur Vimeo, Soundcloud og Dropbox sem eru allt vinsæl netfyrirtæki.