Semur fyrir Lone Ranger

Jack White mun semja tónlistina við kvikmyndina The Lone Ranger sem Disney framleiðir. Þetta verður í fyrsta sinn sem White semur tónlist við heila kvikmynd. Hann hefur áður samið nokkur lög við myndina Cold Mountain, auk þess sem hann samdi ásamt Aliciu Keys lagið Another Way to Die fyrir Bond-myndina Quantum of Solace. White sendi nýlega frá sér sína fyrstu sólóplötu, Blunderbluss.

„Jack er frábær lagahöfundur með einstakan stíl," sagði Jerry Bruckheimer, framleiðandi The Lone Ranger. „Við erum öll mjög spennt yfir að hafa fengið hann um borð." Johnny Depp og Armie Hammer leika aðalhlutverkin í The Lone Ranger, sem er byggð á samnefndum sjónvarpsþáttum frá sjötta áratugnum.