Flókin æska

Leighton Meester segist ekki hafa fæðst í fangelsi líkt og margir trúa, heldur á sjúkrahúsi líkt og flest önnur börn.

„Móðir mín sat inni á meðgöngunni en fæddi mig samt á spítala, ég var svo send í fóstur til ömmu minnar þegar ég var þriggja mánaða," sagði Gossip Girl-leikkonan en foreldrar hennar afplánuðu bæði dóm fyrir fíkniefnainnflutning.

„Fjölskylda mín á klikkaða sögu, en hún var ekki alveg ömurleg. Þegar ég lít til baka í dag man ég frekar eftir góðu hlutunum. Æska mín var flókin en ég lék mér oft á ströndinni og átti líka góðar stundir."