Bætist í titlaflóru Tobbu

Enn bætist í titlasafn Þorbjargar Marinósdóttur, eða Tobbu Marinós eins og hún er betur þekkt.

Tobba hefur í gegnum tíðina verið titluð sem rithöfundur, deitdrottining, fjölmiðlakona, vefstjóri, kynningarfulltrúi og nú fyrir skemmstu var hún gerð að markaðsstjóra Skjásins.

Samkvæmt heimildum Fréttablaðsins er óvíst hvort Tobba muni áfram sinna starfi vefstjóra og kynningarstjóra Skjásins samhliða nýja starfinu. En víst er að Tobba muni þó áfram hafa nóg fyrir stafni enda er stúlkan ekki þekkt fyrir að stija auðum höndum. -sm