Ítalir með gott hjarta

Til að halda hjartanu heilbrigðu er meðal annars mælt með að fólk borði eins og Ítali eða fylgi ströngu „vegan" mataræði. Fréttamiðillinn Msn.com tók saman tíu bestu matarkúrana fyrir hjartað og miðað við þann lista virðast allir geta fundið eitthvað við sitt hæfi.

Þeir sem kjósa að fylgja mataræði Miðjarðarhafsbúa eiga að halda sig við fiskmeti, grænmeti og mjúka fitu. Þeir sem kjósa hins vegar að fylgja „vegan" mataræði eiga að leggja sér til munns grænmeti, ávexti og kornmeti en forðast saltan mat og dýraafurðir. Sé farið eftir þessum matarkúrum ætti hjartað að haldast heilbrigt og gott.