Jim Carrey frumsýnir nýju kærustuna

Eitthvað hefur það gengið illa hjá Jim Carrey í gegnum tíðina að finna ástina. Nú er hann kominn með nýja upp á arminn og sólaði sig með henni á ströndinni í Malibu um helgina.

Síðasta stúlkan sem Jim deitaði var hin 23ja ára Anastasia Vitkina frá Rússlandi og sögurnar sögðu að hann ætlaði að kvænast henni fyrr á árinu.

Fyrsta eiginkona Jims var Melissa Womer en þau voru gift í sjö ár og eignuðustu dótturina Jane sem tók þátt í síðustu þáttaröð af American Idol.

Jim og Melissa skildu árið 1994 og þá kviknaði ástarsamband á milli Jims og Lauren Holly sem lék á móti honum í Dumb and Dumber. Þau giftu sig árið 1996 en voru skilin innan árs.

Jim var trúlofaður Renee Zellweger stuttlega en þau hættu saman í desember árið 2000.

Þá sneri Jim sér að Jenny McCarthy og þeirra samband lifði frá desember árið 2005 til apríl árið 2010.