Don Juan nútímans

Leikarinn ungi Joseph Gordon-Levitt stefnir nú að gerð myndar þar sem hann leikur aðalhlutverkið, leikstýrir og skrifar handritið. Myndin hefur enn ekki hlotið nafn en Gordon-Levitt segir hana koma til með að vera gamanmynd um mann sem er eins konar Don Juan nútímans.

Scarlett Johansson leikur á móti honum, en áætlað er að hefja tökur í apríl. Þetta er frumraun Gordon-Levitts í að leikstýra stórmynd, en hann hefur verið iðinn við að leikstýra stuttmyndum á síðustu árum og segir hann það eiga stóran þátt í því hversu öruggur hann er að takast á við þetta verkefni.