Ég elska franskar!

Leikkonan ljóshærða Hayden Panettiere prýðir forsíðu októberheftis tímaritsins Women's Health.

Hún segist hafa orðið mjög meðvituð um líkama sinn þegar hún var aðeins sextán ára. Þá setti slúðurblað mynd af afturenda hennar á forsíðuna með fyrirsögninni: Appelsínuhúð. Það tók á hana Hayden.

"Ég var miður mín. Ég var með mjög skerta líkamsmynd mjög lengi. En ég man að ég minnti mig á að fegurð er álit, ekki staðreynd. Sú hugsun hefur alltaf látið mér líða betur," segir Hayden sem nú er 23ja ára.

Hayden stundar jóga til að halda sér í formi og elskar hollan mat eins og eggjahvítur og jarðarber. Hún segist samt ekki aðhyllast sérstakt mataræði.

"Það að borða hollt er stöðug barátta. Ég elska franskar! Ég stressast og þyngist þegar ég pæli of mikið í því sem ég borða."