Eignaðist litla stúlku

Tónlistarmaðurinn og fyrrum glaumgosinn Robbie Williams varð faðir í vikunni. Williams deildi gleðifregnunum á bloggi sínu en hann og eiginkona hans, Ayda Fields, urðu stoltir foreldrar lítillar stúlku á þriðjudaginn. „Gjöriði svo vel, þetta er Theodora Rose Williams, betur þekkt sem Teddy. Fæddist 15.33 þann 18.9.12. Barni, móður og föður heilsast vel. Takk fyrir hamingjuóskirnar.“

Williams bað Fields í beinni útsendingu á útvarpsþætti í Ástralíu árið 2010 og þrátt fyrir að talsmaður tónlistarmannsins héldi því fram að bónorðið hefði verið grín giftust þau nokkrum mánuðum síðar í Los Angeles.