Kim Kardashian lánar litlu systur fötin sín

Nýstirnið Kendall Jennar nýtur augljóslega góðs af því að vera litla systir Kardashian systranna þegar kemur að því að fá lánuð föt.

Jennar mætti í svörtum og hvítum kjól á frumsýningu myndarinnar The Hunger Games Los Angeles á dögunum sem glöggir ljósmyndar könnuðust við af Kim Kardashian.

Kim Kardashian staðfesti að hún hefði lánað litlu systir kjólinn á bloggi sínu þar sem hún sagði. „Kendall fékk lánaðan Azzedine Alaia kjólinn minn fyrir The Hunger Games frumsýninguna, lítur hún ekki stórkostlega út?"

Raunveruleikastjarnan upplýsti aðdáendur sína enn frekar um kjólinn og sagðist hafa fengið hann í París árið 2010. Kim sást síðast í kjólnum í október á síðasta ári en þá breytti hún honum með þykku svörtu belti og klæddist svörtum sokkabuxum við.

Kendall fór hinsvegar klassískari leið eins og sjá má á meðfylgjandi myndum.