Sarah fer beint úr boðsundinu í bráðabana

Sarah Blake Bateman hefur í nógu að snúast í dag í sundkeppninni á Ólympíuleikunum í London. Sarah náði frábærum árangri í 50 metra skriðsundinu í morgun þar sem hún deildi 16. sætinu með tveimur keppendum. Þær þurfa að synda úrslitasund um kl. 11 að íslenskum tíma um laust sæti í undanúrslitum. Áður en að því kemur þarf Sarah að synda með boðssundsveit Íslands í 4x100 metra fjórsundi.

Sarah fær að því sundi loknu rétt um 20 mínútur til þess að undirbúa sig fyrir „bráðabana" gegn þeim Kara Lynn Joice frá Bandaríkjunum og Amy Smith frá Bretlandi.