Ofurfyrirsæta í stuði í sjónum

Ofurfyrirsætan Kate Moss er í fríi á Ibiza með eiginmanni sínum Jamie Hince og vinum sínum. Hún virtist skemmta sér konunglega þegar hún kom út af bar á ströndinni og átti í nokkrum erfiðleikum með að koma sér upp í lítinn bát. Hún fékk þó hjálp frá vinum sínum og virtist finnast þetta allt óskaplega fyndið.

Kate er heimsfræg fyrirsæta en alheimurinn fær kannski að sjá hana á hvíta tjaldinu innan skamms. Vinkona hennar, leikkonan Sadie Frost, er með stór plön um að ráða Kate í einhverja stórmynd en Sadie rekur framleiðslufyrirtækið Blonde to Black.