Átök en enginn hamagangur

Afrekskonan Elín Sigurðardóttir sem á og rekur Elín.is vill engan hamagang þegar kemur að æfingunum í TRX og Rope Yoga námskeiðunum hennar. Lífið spjallaði við Elínu og spurði m.a. hvort mataræðið skipti einhverju máli ef fólk vill komast í líkamlegt form.

"Ég er að byrja með námskeið í TRX og Rope Yoga. Ég blanda þessum æfingakerfum saman. Annars vegar TRX sem eru krafmiklir tímar þar sem við endum á góðum teygjum og slökun en í Rope Yoga tímunum tökum við vel á því á rólegan hátt þar sem við leggjum t.d. áherslu á góðar kviðæfingar. Þetta eru æfingar sem allir geta gert. Þetta er mjög rólegt og þægilegt.

Námskeiðin eru fyrir þá sem vilja svitna og taka á því og líka þá sem vilja taka það hægar, fólk sem vill ekki eins mikil átök en engan hamagang.

Ég kenni og leiðbeini og ég legg áherslu á góða líkamsbeitingu, auka þolið og liðleika. Við förum í hugmyndafræði og mataræði líka."

Hvernig er best að byrja. Koma sér af stað? "Byrja að tala við mig og ég finn námskeið sem hentar og ef fólk er ekki vel á sig komið er gott að byrja í rope yoga námskeiðunum og sérstaklega ef eitthvað er a hrjá viðkomandi. Þetta er það besta ef fólki er illt í bakinu - bæði hlauparar, dansarar og afreksíþróttafólk kemur mikið til mín. Ég er með breiðan hóp - fólk sem vill halda sér í góðu líkamlegu og andlegu jafnvægi."

Er mataræðið jafn mikilvægt og æfingarnar? "Já algjörlega - það er lykilatriði - bæði fyrir líkamlega og andlega heilsu. Þetta helst allt í hendur. Skortur á næringarefni getur valdið sársauka í líkamanum. Við förum inn á hugmyndafræðina og vinnum bara í lausnum."

Elin.is