Óðinn var langt sínu besta | endaði í 36. sæti

Óðinn Björn Þorsteinsson var langt frá sínu besta í undankeppninni í kúluvarpi karla á Ólympíuleikunum í London í morgun. Óðinn kastaði 17,62 metra og endaði hann í 36. sæti af alls 40 keppendum. Fyrsta kast Óðins, sem keppir fyrir FH, var ógilt, hann kastaði 17,04 m. í annarri umferð.

Besti árangur Óðins er 20,22 metrar, en þeim árangri náði hann í mars á þessu ári. Íslandsmetið er í eigu Péturs Guðmundssonar, 21,26 m., en það setti hann árið 1990.

Reese Hoffa frá Bandaríkjunum kastaði lengst í undankeppninni, 21,36 m., en 16 keppendur komust í úrslit. Sá sem var í 16. sæti, kastaði 20,25 metra þannig að Óðinn hefði þurft að bæta sinn besta árangur til þess að komast í úrslit.