Thon líkir Hummels við Beckenbauer

Þýska goðsögnin Olaf Thon er afar sáttur við frammistöðu landa síns, Mats Hummels, á EM og hann hrósar honum, sem og Mario Gomez, í hástert.

"Ég held að Hummels geti orðið besti varnamaður mótsins og Gomez besti sóknarmaðurinn," sagði Thon en hann sparar ekki hrósið á miðvörðinn unga en Hummels er 23 ára.

"Það kemur mér ekki á óvart hvað hann hefur tekið stórstígum framförum. Hann hefur einstaka hæfileika og minnir mig um margt á Franz Beckenbauer. Hann mun læra mikið á þessu móti og eftir 2-3 ár verður hann orðinn leiðtogi liðsins."