Bráðaliðar fluttu leikkonuna Demi Moore á spítala á mánudaginn. Talsmaður segir að leikkonan þjáist af örmögnun en hún gekk í gegnum erfiðan skilnað á síðasta ári.
Moore var gift leikaranum Ashton Kutcher í rúm sex ár. Hún sótti um skilnað eftir að upp komst um framhjáhald Kutchers.
Talsmaður leikkonunnar sagði að skilnaðurinn hafi reynst henni erfiður. Í kjölfarið þjáðist hún af örmögnun og öðrum heilsutengdum vandamálum.
