Þetta áttu að gera ef það verður heitavatns- eða rafmagnslaust

Orkuveitan vill koma eftirfarandi upplýsingum á framfæri ef það verður heitavatns- og rafmagnslaust hjá fólki.

Ef heitavatnslaust verður er fólki er bent á að hafa skrúfað fyrir alla heitavatnskrana til að forða slysahættu eða tjóni þegar vatnið kemst á að nýju. Við lengri bilun eða í kaldri tíð er einnig ráðlegt að hafa glugga lokaða og útidyr ekki opnar lengur en þörf krefur.

Ef rafmagnið fer er bent á að slökkva á þeim rafmagnstækjum, sem ekki slökkva á sér sjálf og geta valdið tjóni þegar rafmagn kemur á að nýju. Það á sérstaklega við um eldavélar, mínútugrill og eins er ráðlegt að slökkva á viðkvæmum tækjum á borð við sjónvörp.