Bæjarfulltrúar í Vestmannaeyjum hafa svarað karlmönnunum hundrað sem sendu bréf til bæjarstjóranum í Vestmannaeyjum, lögreglustjóranum í Vestmannaeyjum og framkvæmdastjóra ÍBV spurningar um það kynferðisofbeldi sem framið hefur verið á Þjóðhátíð í Vestmannaeyjum og hvaða áhrif það gæti haft á fyrirkomulag og framtíð hátíðarinnar. Í yfirlýsingu bæjarstjórnar er bréfriturum þakkaður sá áhugi „sem þeir hafa á öryggismálum á Þjóðhátíðinni í Vestmannaeyjum. Þeir segja það samfélagslega ábyrgð okkar allra að hindra að ofbeldisverk séu framin. Því erum við sammála."
Fulltrúarnir segjast einnig deila með bréfriturum áhyggjum á því samfélagslega meini sem kynferðisofbeldi er, enda sé það með alvarlegri brestum í mannlegum samskiptum. „Því er mikilvægt að einskis verði látið ófreistað til að sporna gegn því.
Bréfritarar segja: „ábyrgð nauðgunar getur aldrei legið annarsstaðar en hjá gerandanum sjálfum. Það er sorglegt að tiltölulega fámennur hópur ofbeldismanna geti valdið svo miklum skaða og varpað um leið dökkum skugga á viðburð sem annars er ætlaður til ánægju". Bæjarfulltrúar í Vestmannaeyjum taka heilshugar undir þetta enda er eitt af markmiðum þeirra að draga úr og reyna eftir fremsta megni að koma í veg fyrir ofbeldi, hvert svo sem brotið er."
Þá segir að veitt verði heimild fyrir Þjóðhátíð komandi sumar eins og síðustu 130 ár. „Þjóðhátíðin er fjölskylduhátíð Eyjamanna þar sem áhersla er lögð á byggðasögulegar rætur svo sem tónlistarhefð, matarvenjur og hefðir sem mótast hafa á seinustu öldum. Sjálf erum við þátttakendur í hátíðinni með börnum okkar og ástvinum. Bæjarfulltrúar munu því gera allt sem í þeirra valdi stendur til að upplifun gesta Þjóðhátíðar verði eins jákvæð og kostur er. Þar undir falla forvarnir gegn ofbeldisbrotum sem eru og eiga ávallt að vera forgangsmál."
Ennfremur segir að vegna atvika sem hafa komið upp hafi forvarnir verið til sérstakrar skoðunar og mun það vera markmið Vestmannaeyjabæjar að koma í veg fyrir þann harmleik sem hvert og eitt brot er.
„Undirrituð taka undir með bréfriturun sem segja að „ábyrgð nauðgunar getur aldrei legið annarsstaðar en hjá gerandanum sjálfum. Það er sorglegt að tiltölulega fámennur hópur ofbeldismanna geti valdið svo miklum skaða og varpað um leið dökkum skugga á viðburð sem annars er ætlaður til ánægju".
Rétt eins og bréfritarar líta bæjarfulltrúar í Vestmannaeyjum ofbeldi alvarlegum augum enda er það aldrei líðandi," segir að lokum.
Bæjarfulltrúar svara 100 körlum: Ofbeldi er aldrei líðandi
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.
