Þakklæti galdurinn á bak við gott hjónaband

Hver man ekki eftir brúðkaupsþættinum Já í umsjón Elínar Maríu Björnsdóttur athafnakonu með meiru? Lífið tók þessa ævintýragjörnu og atorkusömu konu tali sem býr nú í Svíþjóð með fjölskyldu sinni og sinnir frumkvöðlastarfi sem Practice Leader Education.



Hver er konan? Eiginkona, mamma, dóttir, systir, frænka, vinkona. Ég er einlæg og get verið hrikalega óþolinmóð - ég vil að hlutirnir gerist hratt og vel. Finnst óendanlega gaman að koma nýjum hlutum á koppinn. Hugmyndarík, hláturmild og gefst aldrei upp!

Þjóðin kynntist þér vel þegar þú stýrðir Brúðkaupsþættinum Já en hann náði gríðarlegum vinsældum. Hvað kom til að þú ákvaðst að gera þættina á sínum tíma? Löngun til að vekja athygli á hinu jákvæða sem fram fer í okkar samfélagi. Þrátt fyrir að yfir 80% af því sem gerist í lífi og starfi fólks sé jákvætt er stærsti hluti frétta eða sjónvarpsþátta yfirleitt um það sem miður fer eða er neikvætt s.s. glæpi og ofbeldi. Ég var náttúrulega nýgift á þessum tíma þannig að þessi dagur var í fersku minni hjá mér sem gerðimig enn áhugasamari um þennan viðburðaríka dag í lífi fólks. Að fá slíkt tækifæri sem ég fékk, að segja sögu allra þessara einstaklinga og sýna jákvæða og fallega hlið á lífinu út frá sjónarhóli brúðkaupa og hjónabanda, var ótrúlega gefandi og skemmtilegt. Eftir á að hyggja-ætli þetta sé ekki bara ágætis heimild um íslensk brúðkaup.

Langaði þig aldrei að endurtaka leikinn þegar þú upplifðir öll þessu ólíku brúðkaup?Ó jú, þú getur rétt ímyndað þér og það ætla ég að gera. Það er hægt að gifta sig aftur og aftur og aftur - ég ætla að gera það með sama manninum.

Hver er galdurinn á bak við gott hjónaband að þínu mati? Veit ekki hvort það er til einhver galdur en að mínu mati er ást, húmor, þakklæti, sameiginleg framtíðarsýn og eilíf jákvæðni meginkjarninn.

Lesa viðtalið við Elínu í heild sinni hér.