Gefa út raftónlist

TomTom Records hefur verið sett á laggirnar og mun hún sérhæfa sig í íslenskri raftónlist.

Forsprakkarnir eru Jóhann Ómarsson, sem hefur listamannsnafnið Skurken, og Árni Grétar, betur þekktur sem Future­graph­er. Tónlistarmennirnir sem eru þegar komnir á skrá hjá TomTom eru Prince Valium, Tonik, Yoda Remota, Futuregrapher og Skurken. Fyrstu útgáfurnar líta dagsins ljós 12. febrúar þegar Andefni, nýjasta plata Prince Valium, og Life Is a Beach, stuttskífa með Tonik, koma út í stafrænu formi. Hægt verður að nálgast þær á síðunni Tomtomrecords.com.

Í framtíðinni hefur stefnan einnig verið sett á að endurútgefa gömul verk með íslenskum raftónlistarmönnum. Að auki mun TomTom halda reglulega tónlistar­kvöld sem nefnast Heiladans og hefja þau göngu sína í mars.